Хил хязгааргүй сэтгүүлчид (RSF) байгууллагаас дэлхийн улс орнуудын Хэвлэлийн эрх чөлөөний индексийг танилцуулдаг. Тус байгууллага өнгөрсөн хугацаанд дэлхийн, тэр дундаа Монгол Улсын хэвлэл мэдээлэл, үг хэлэх эрхзүйн чөлөөт байдалд санаа зовниж буйгаа илэрхийлжээ. Монголын хэвлэл мэдээллийн хэрэгсэл ил тод биш. Хувийн ч бай, төрийн өмчит ч бай Монголын ихэнх хэвлэл мэдээллийн хэрэгсэл засгийн газар, төр, улс төрийн намтай холбоотой гэдгээ харуулдаг.
Хэвлэл мэдээллийн бие даасан үйл ажиллагаа явуулах боломж улстөрчдийн дарамт, шахалтаар хязгаарлагддаг. Өнгөрсөн оны байдлаар сэтгүүлзүйн салбар, ажилчид нь гүтгэлгийн асуудалд хохирдог гэж “RSF” онцолжээ. Энэ үед сэтгүүлзүйн салбарт нэг хүчирхийлэл бүртгэгдсэн нь оны төгсгөлд 109 дүгээр байр луу ухарсантай нягт холбоотой гэж тайлбарлаж байгаа аж. Өнгөрөгч оны тавдугаар сард 180 орноос 104 дүгээр байрыг эзэлж байсан бол энэ удаад таван байр ухарсан үзүүлэлт гарлаа. Энэ нь хэвлэлийн эрх чөлөө улам бүр хумигдаж байгааг илтгэж буй.
Монгол Улс 2023 онд Хэвлэлийн эрх чөлөөгөөр 180 орноос 88, 2022 онд 90, 2021 онд 61-д эрэмбэлэгдэж байжээ.
