Reuters агентлагийн мэдээлснээр 50 жилийн дараа нээгдэж буй Этиопын хөрөнгийн бирж (ESX) дээр одоогоор ганцхан компани бүртгэгдсэн нь орон нутгийн Wegagen Bank юм.
Абий Ахмед Али 2018 онд Ерөнхий сайдаар томилогдсоноос хойш хэрэгжүүлж байгаа эдийн засгийг либералчлах зорилтын нэг хэсэг нь энэхүү биржийн нээлт болж байгаа аж.
Этиоп улсад хөрөнгийн бирж 1960-70-аад онд ажиллаж байсан ч 1974 онд эзэн хаан Хайле Селассиг түлхэн унагасны дараа хаагдсан юм.
Төрийн өмчит харилцаа холбооны Ethio Telecom компани удахгүй тус биржээр дамжуулан IPO хийхээр бэлтгэж байгаа тухай эх сурвалж мэдээллээ. ESX биржийн ерөнхий захирал Тилахун Кассахун хэлснээр ойрын 10 жилд энэ талбарт 90 компани хувьцаагаа арилжих аж.
