Ардын намын УИХ дахь бүлгийг толгойлж асан, сонгуульд бүдэрсэн Д.Тогтохсүрэнг “Монросцветмет”-ийн даргаар томилох сураг дуулдаж байсан талаар бид өгүүлж байсан билээ. Тэгвэл МАН-ын гишүүн, УИХ-ын гишүүн асан Д.Тогтохсүрэнг “Монголросцветмет” ТӨҮГ-ийн захирлаар томилжээ.
“Монголросцветмет” ТӨҮГ нь БНМАУ, ЗСБНХУ-ын (хуучин нэрээр) Засгийн газар хоорондын хэлэлцээрийн дагуу 1973 онд Монгол-Оросын хамтарсан “Монголросцветмет” нэгдэл нэртэйгээр Монгол Улсын нутаг дэвсгэр дээр хайлуур жонш, үнэт металл болон бусад төрлийн ашигт малтмалыг олборлон баяжуулах, эрдэс түүхий эдийн нөөцийг өсгөх, улсын экспортын чадавхийг нэмэгдүүлэх зорилготойгоор байгуулагдан эдүгээ 50 дахь жилдээ үйл ажиллагаагаа явуулж байна.
2016 оноос Монгол Улсын 100 хувь төрийн өмчийн эзэмшилд шилжин, “Эрдэнэс Монгол” компанийн охин компани болсон.
