Унгарын Будапешт хотод бөхийн төрлүүдийн дэлхийн чансааны оноо олгох тэмцээн энэ сарын 6-9 ны хооронд болж өнгөрлөө. Тэмцээнд манай улсаас П.Орхон, Д.Отгонжаргал, Э. Дэлгэрмаа нар оролцлоо. Эмэгтэйчүүдийн 50 кг-ын жинд Д.Отгонжаргал мөнгө, 62 кг-ын жинд МУГТ П.Орхон хүрэл, ОУХМ Э.Дэлгэрмаа нар хүрэл медаль хүртлээ. Тэмцээний дараа манай баг тамирчид үргэлжлүүлээд Унгарын олимпын бэлтгэлийн төвд олон улсын хамтарсан бэлтгэлд гарах юм. Бэлтгэлд олимпын эрхээ авсан манай улсын таван эмэгтэй тамирчин хамрагдахаар болжээ.
