Тавантолгой түлш компани Зүүн үйлдвэртээ угаалгын цех ашиглалтад оруулжээ. Энэ нь ажилтнуудынхаа хөдөлмөрийн орчин, нөхцлийг сайжруулах чиглэлээр хийж буй ажлуудын нэг юм байна.
Угаалгын цех нь Нийтлэг Үйлчилгээний Хэлтэст харьяалагдах бөгөөд 4 хүний бүрэлдэхүүнтэй, ажлын 8 цагаар үйл ажиллагаа явуулж байна. Тус цех нь нэг удаадаа 35кг буюу хоногт ажлын 100-120 ширхэг хувцас угааж, хатаах хүчин чадал бүхий угаалга, хатаалгын гурван машинтай аж. Мөн хувцас угаах, хатаах, индүүдэхээс гадна оёдол засварын үйлчилгээг үзүүлэн ажиллаж байна.
