Умард Солонгос сүүлийн нэг хоногийн дотор хогтой уут дүүжилсэн 150 гаруй агаарын бөмбөлгийг хоёр Солонгосын хил давуулан нисгэснийг Өмнөд Солонгосын зэвсэгт хүчин өнөөдөр мэдээлжээ. Мягмар гаригийн шөнөөс хойш тус бөмбөлөг зүүн өмнөд эргийн Өмнөд Гёнсан мужийн нутагт хүрсэн аж. Агаарын бөмбөлөгүүдэд урагдсан гутал, дууссан батерэй, хуванцар сав, тэр байтугай мал амьтны ялгадас агуулсан уут дүүжилсэн байжээ.
“ Умард Солонгосын уг үйлдэл нь олон улсын хууль дүрмийг илт зөрчиж манай хүн ардын аюулгүй байдалд илт заналхийлж байна. Энэхүү хүнлэг бус, бүдүүлэг үйлдлээ даруй зогсоохыг анхааруулж байна” хэмээн Өмнөд Солонгосын жанжин штабаас мэдэгджээ.
Өмнөд Солонгосын идэвхтнүүд Пёняны дэглэмийн эсрэг суртал нэвтрүүлгийн мартериал бүхий агаарын бөмбөлгүүдийг Умард Солонгосын нутаг дэвсгэр лүү үе үе хөөргөдөг. Умард солонгосын тал үүний эсрэг ижил төстэй хариу арга хэмжээ авсан нь энэ бололтой. Сөүлийн эрх баригчид ийм ачаатай бөмбөлөг олдвол хөндөлгүйгээр ойролцоох цэрэг цагдаагийн байгууллагад мэдэгдэхийг иргэддээ зөвлөсөн байна.
