Гадаадын нэг, монголын гурван иргэнийг 2024 оны гуравдугаар сарын 29-ний өдөр Тагнуулын байгууллагаас саатуулсан.
Энэ дунд Монголын бурхан шашинтны шинэ төвийн тэргүүн, “Их хүрээ” хийдийн хамба З.Санждорж байсан бөгөөд түүнийг харилцаа холбоо тогтоосон, тодорхой үечлэлтэй мэдээлэл хийдэг,гадны төлөөний этгээдтэй уулздаг гэх сэжиг бүхий кейсүүдээр хуулийн байгууллагын хараанд аль хэдийн өртсөн байсан тухай мэдээлж байсан.
З.Санждоржийг баривчлах үеэр эм, эмнэлгийн хэрэгсэл импортлох үйл ажиллагаа эрхэлдэг хоёр монгол хүн, БНХАУ-ын нэг иргэнийг барьсан. Улмаар тэднийг хорих 461 дүгээр ангид саатуулж, мөрдөн шалгах ажиллагаа эхэлсэн байдаг.
Нийслэлийн прокурорын газраас /2024.05.27/ эдгээр иргэдээс хоёрыг нь үргэлжлүүлэн хорих саналыг шүүхийн байгууллагад хүргүүлсэн байна.
