“Нэгдсэн Үндэстний Байгууллага”-ын “Хөгжлийн хөтөлбөр”-ийн дэмжлэгтэйгээр жендэрийн хэвшмэл ойлголтыг бууруулах, мэдээллийн суурь боловсролыг сайжруулах зорилгоор 2024 оны 5 дугаар сарын 6-аас 6 дугаар сарын 6-ы хороонд нэг сарын хугацаатай “ХАМТДАА ЦЭГ ТАВЬЯ” цахим болон биет аяныг өрнүүлж байна.
Аяны хүрээнд Улаанбаатар хотын гудамж, нийтийн байгууламж, нийтийн тээвэр, автобус орон нутгийн галт тэргэнд сурталчилгааны самбар, мэдээллийн товхимолыг байрлуулснаас гадна “Үндэсний номын баяр”-ын үеэр бүх асрууд мэдээллийн хуудас, аяны илэрхийлэл бүхий бүтээгдэхүүнийг идэвхтэй оролцсон хүн бүрд бэлэглэх бол “Хамтдаа цаг тавья” ЦАХИМ кампанит ажлын хүрээнд олон нийтэд мэдээлэл түгээх контентуудыг төрөл бүрийн хэлбэрээр бүтээж түгээх бөгөөд тус аяны мэдээллийг Хамтдаа Цэг Тавья фэйсбүүк хуудсаар түгээж байна.
Харин БИЕТ үйл ажиллагаа буюу “Үндэсний номын баяр”-ын үеэр “Медиус” ХХК, “Сонгогчдын боловсрол төв”, “Эмэгтэйчүүдийн манлайллын сүлжээ” нэгдэл, “Монголын баримт шалгах төв”, “Тунгаахуй өгөгдлийн урлан” ХХК, “Хэвлэл мэдээллийн зөвлөл – Мэрэмжтэй мэдээлье нэгдэл” зэрэг ТББ-ууд хамтран “Хамтдаа цэг тавья” өргөн чөлөөг Сүхбаатарын талбайд байгуулж байна.
Тус өргөн чөлөө нь хэд хэдэн асраас бүрдэх бөгөөд жендэрийн хэвшмэл ойлголтыг бууруулах, мэдээллийн суурь боловсролыг сайжруулахтай холбоотой цогц мэдээлэл өгөхийг зориулагдсан болно.
Асар 1: “МЭДРЭМЖТЭЙ МЭДЭЭЛЬЕ” ГЭРЭЛ ЗУРГИЙН ҮЗЭСГЭЛЭН
Асар 2: ХЭВШМЭЛ ОЙЛГОЛТОД ХАМТДАА ЦЭГ ТАВЬЯ
Асар 3: “ӨГӨГДӨЛ ӨГҮҮЛЖ БАЙНА” ҮЗЭСГЭЛЭН
Асар 4: “ДЭВШИХ ЗАМД ДЭМЖЛЭГ БОЛЪЁ!”
Асар 5: ХАРИУЦЛАГАА ХУВААЯ зэрэг асруудаас бүрдэх юм.
