Улсын хэмжээнд энэ оны дөрөвдүгээр сард инфляц 6.4 хувьтай гарчээ. Тодруулбал, хэрэглээний бараа, үйлчилгээний үнэ өмнөх оны мөн үеэс 6.4 хувиар нэмэгдсэн байна.
Инфляц дөрөвдүгээр сард улсын хэмжээнд өмнөх оны мөн үеэс 6.4 хувиар өссөнийг Үндэсний статистикийн хороо мэдээллээ. Хэрэглээний үнийн индекс өмнөх сараас 0.8 хувиар өсөж, өсөлтийн хурд 4.9 нэгж хувиар саарсан байна. Инфляц улсын хэмжээнд жилийн 6.4 хувьтай гарахад 39.5 хувийг хүнсний бараа ундаа, усны бүлэг, хувцас бөс бараа, гутлын бүлгийн үнэ 10.5 хувийг, боловсролын үйлчилгээний үнэ 11.1 хувийг бүрдүүлсэн нь хамгийн өндөр нөлөөтэй байна.
Инфляцад хамгийн өндөр нөлөөтэй байдаг мах, махан бүтээгдэхүүний үнэ өмнөх оны мөн үеэс найман хувиар өссөн бол талх, гурил будааны үнэ 12.9 хувиар өссөнийг өссөнийг Үндэсний статистикийн хороо тодотгов. Энэ дундаа үхрийн махны үнэ найман хувиар, гурилын үнэ 16.3 хувиар тус тус өсжээ.
