Бангладеш улсад сүүлийн 70 гаруй жилд тохиолдоогүй хэт халалт болж байна. Үүнээс шалтгаалан орон даяар сургууль, цэцэрлгийг хаах, халууны сэрэмжлүүлэг зарлах зэргээр хариу арга хэмжээ авч байна.
Өнгөрсөн баасан гарагт баруун өмнөд хэсгийн Чуаданга дүүрэгт улирлын хамгийн өндөр температур 42.7 хэм хүрсэн байна. Өнгөрсөн долоо хоногт Дака хотын дундаж хамгийн их температур нь мөн үеийн 30 жилийн дунджаас 4-5 хэм (Фаренгейтийн 7.2-9 хэм) өндөр байна. Шинжлэх ухааны өргөн хүрээтэй судалгаагаар уур амьсгалын өөрчлөлт нь халууны долгионыг уртасгаж, илүү давтамжтай, илүү хүчтэй болгож байгааг тогтоожээ.
Тус улсын цаг уурын товчоо өчигдөр буюу ням гаригт “Хэт халалт дор хаяж гурван өдөр үргэлжилнэ” гэж мэдэгджээ.
Дака дахь Мугдах улсын эмнэлгийн дарга, эмч Мохаммад Ниатуззаман хэлэхдээ, “Хэт халуунаас үүдэн эмнэлэг халуунд цохиулсан, шингэн алдсан, ядрах болон амьсгалын замын өвчнөөр шаналж буй олон тооны өвчтөнүүдийг хүлээн авч байна” гэжээ.
