2020 оноос эхэлсэн уг вирусийн дэгдэлтийн улмаас дэлхий даяар олон арван сая тэжээвэр шувуу үхээд байгаа аж.
Сүүлийн үед хэд хэдэн төрлийн хөхтөн амьтанд халдварласан нь хүмүүст халдварлах эрсдэлийг нэмэгдүүлж байгаа тухай албаны эх сурвалжууд хэлсэн байна. Тодруулбал өнгөрсөн сард H5N1 вирус анх удаа фермийн үхэр, ямаанд халдварласан тохиолдол гарчээ. Одоогийн байдлаар АНУ-ын зургаан мужид 16 үхрийн фермээс шувууны ханиадны вирус илэрсэн байна. Саяхан Техас мужид сүүний үүлдрийн үнээ малладаг хүн вирусийн халдвар аваад эдгэрчээ. Фермийн үхрүүд зэрлэг шувуунаас вирусийн халдвар авсан гэж судлаачид үзэж байна.
“Уг вирус одоогоор нугас, тахиа, цаашлаад хөхтөн амьтдад халдварлахдаа хүмүүст халдварлах чадвартай болон өөрчлөгдөж, улмаар хүнээс хүнд халдварладаг болох эрсдэл хамгийн их санаа зовоож байна” гэж ДЭМБ-ын ахлах судлаач Жереми Фаррар өчигдөр Женев хотод сэтгүүлчидтэй уулзахдаа ярьжээ.
Одоогоор H5N1 вирус хүнээс хүнд дамжсан тохиолдол бүртгэгдээгүй байгаа.