“Электрокем Монгол” компанийн хар тугалган батерейг дахин боловсруулах үйлдвэр өнөөдөр нээлтээ хийлээ. Тус үйлдвэр нь жилд 12000 тонн хар тугалган батерейг хоргүй технологиор дахин боловсруулах хүчин чадалтай.
Тодруулбал, хуучин аккумуляторыг худалдан авч дахин боловсруулж, хар тугалган гулдмай бэлтгэн экспортод гаргана.
“Электрокем Монгол” компани төслийнхөө дараагийн шатанд ийм төрлийн батерейг дотооддоо үйлдвэрлэхээр төлөвлөж байгаа бөгөөд хуучин аккумулятор, батерейн хаягдал зэргээс шалтгаалж байгаль орчин, хөрс маш их бохирддог тэгвэл хаягдал батерей энд тэндгүй тарж, хөрс, усыг хордуулдаг үе ард хоцорч байгаа аж.
Олон Улсын стандарт мөрдсөн энэхүү жишиг үйлдвэрийг Монгол залуус нээн ажиллуулж байгаагаараа давуу талтай бөгөөд урт хугацааны туршид судалгаа хийсний үр дүнд өнөөдөр эднийх үйлдвэрээ нээжээ.
