Монгол Улс цэвэр усны нөөцөөрөө дэлхийн 145 орноос 22-т эрэмбэлэгддэг ч усыг хуримтлуулж, нөөцлөн ашигладаггүй учраас усны нөөц хамгийн бага 20 орны тоонд багтдаг байна.
Гадаргын усны тоо бүртгэлийн мэдээллээр 2021 онд 97 гол горхи ширгэж, 98 гол горхи сэргэсэн байна. Харин өнгөрсөн оны байдлаар 83 гол горхи ширгэсэн бол 52 гол горхи сэргэсэн байгаа юм. Монгол орны усны нөөцийн хувьд нийтдээ 564.8 километр куб байгаа. Үүнээс мөнх цас 19.4 километр куб, мөсөн хуримтлал 34.6 километр куб, газрын доорх ус 10.8 километр куб, нуур тойром 500 километр куб-ийг тус тус эзэлж байна..
Усны газраас гаргасан Монгол орны ус ашиглалтын байдлын талаарх сүүлийн таван жилийн судалгааг харвал хамгийн их усыг хөдөө аж ахуйн салбар, хамгийн бага усыг үйлдвэр, ахуй үйлчилгээний салбар ашиглаж байна.
