Монгол орны нийт газар нутгийн цасан дахь усны нөөц 32.41 шоо.км байна. Жишээлбэл Увс нуур, Тэс гол, Хяргас нуур, Үенч, Бодонч, Булган, Идэр, Байдраг, Хануй, Орхон, Туул, Хэрлэн, Улз, Халх, голуудын сав газруудын 75-95% нь цастай ба цасан дахь усны нөөц нь дунджаар 1.65 шоо.км бол Завхан гол, Шишхэд, Дэлгэрмөрөн, Чулуут, Орог нуур, Туй гол, Таац, Хараа зэрэг голуудын савын 55-75% орчим нь цастай, цасны усны нөөц нь дунджаар 0.96 шоо.км байна. Урин дулаан цаг ирж байгаатай холбогдуулан дээр дурдсан голуудын саваар шар усны үер буух нөхцөл бүрдэх тул хаврын шар усны үерээс урьдчилан сэргийлэхийг анхааруулж байна.
Мөн өндөр уулын ам, гол усны ойр суурьшиж байгаа айл өрхүүд, аж ахуйн нэгж, байгууллагууд ойр орчмын цасаа зайлуулж, үерийн далан, борооны ус зайлуулах суваг, шуудууг цэвэрлэн сэргээж шар усны үерийн аюулаас урьдчилан сэргийлнэ үү!!!
