UBS Pictures компанийн уран бүтээл Буриадын ард түмний ахуй соёл, домгийн улбаа, өвөрмөц хэв шинж, сэтгэлгээний онцлогийг тусгасан, Оросын холбооны улсын ардын жүжигчид оролцон тоглосон “Хайрын Домог” УСК удахгүй нээлтээ хийх гэж байна.
UBS Pictures компани дэлгэцийн арав гаруй уран бүтээлийг олны хүртээл болгожээ. Тухайлбал, “Содура”, “Говийн домог”, “Нарны садан” бүтээлүүд нь үндэстний өвөрмөц онцлог бүхий соёл уламжлалын сэдвүүдээр цаг үеэ олсон, даацтай, урлаг гоо зүйн хэмжүүрт бүрэн нийцүүлсэн байдгаараа ялгардаг юм.
Уран бүтээлийн ерөнхий продюсер, зөвлөх найруулагч, зохиолын санаачлагчаар хөгжмийн зохиолч УГЗ, Төрийн шагналт Лхагвадоржийн Балхжав;
-Кино төслийн удирдагчаар СГЗ Жигмэддоржийн Баяр;
-Кино төслийн ерөнхий найруулагчаар Балхжавын Чингүүн;
-Киноны зохиолыг МЗЭ-ийн шагналт Баастын Золбаяр;
-Кино төслийн ерөнхий зураглаач, СТА Дорлигийн Цэрэнчимэд;
-Кино төслийн дууны найруулагч, СТА Эрдэнэчулууны Эрдэнэбаяр;
-Гол дүрийн жүжигчнээр Чадраабалын Сэлэнгэ, Дондовын Мөнхтамир нар ажиллажээ.
Монголынхоо урлагт хайртай, урлагийн гоо сайханаар амьсгалагч хүн бүрийг UBS Pictures “ХАЙРЫН ДОМОГ” уран бүтээлийг үзэхийг урьж байна.
2024 оны 05 сарын 10-наас бүх кино театруудын дэлгэцнээ гарна.
