Манай улс байгаль орчны доройтолд хэр өртсөн бэ?
Биологийн олон янз байдлыг хангана гэдэг нь энгийндээ байгалийн унаган төрхийг хамгаалж үлдэхийн нэр юм. Ингэснээр уур амьсгалын сөрөг өөрчлөлтийн нөлөөг бууруулахад гол түлхэц болоод зогсохгүй эдийн засгийн их хэмжээний гарз хохирлоос сэргийлж чадна. Харин байгаль хамгааллын хамгийн дээд хэлбэр нь тусгай хамгаалалтад авч, тогтвортой менежмент явуулах билээ. Манай орны байгаль орчны доройтол ямар түвшинд байгааг цөөн хэдэн баримтаар илэрхийлье.
-Манай орны агаарын дундаж хэм сүүлийн 80 жилд дэлхийн дунджаас 2.5 дахин ихээр нэмэгдсэн,
-Газар нутгийн 76.9 хувь цөлжилтөд их болон дунд хэмжээгээр өртсөн,
-Байгалийн гамшигт үзэгдэл сүүлийн 20 жилд 2 дахин нэмэгдсэн,
-Малын тоо толгой бэлчээрийн даацаас гурав дахин хэтэрчээ,
-Сүүлийн 28 жилд нүүрсхүчлийн хийн агууламж 16.5 хувиар, метаны агууламж 8.8 хувиар нэмэгдсэн зэрэг баримтуудыг дурдаж болох юм.
Төр байгаль орчны салбарт анхаарлаа хандуулан оновчтой бодлого, менежментээр хангах зайлшгүй шаардлагатай байна. Ингэснээр ирээдүйд үүсэх санхүүгийн болон эрүүл мэндийн гарз хохирлуудаас сэргийлж болох юм.
Data: The Nature Conservancy in Mongolia
