Европт анх удаа “уусдаг стент” суулгацаар хүний амь аварсан байна. Энэхүү жижиг мэс засал артери нь бөглөрсөн мянга мянган өвчтөнийг аврах бөгөөд эмчилгээний хувьсгал хийх эмчилгээ гэнэ.
Анагаах ухаанд ангиопластик гэж нэрлэгддэг энэхүү мэс засал нь одоогоор бөглөрсөн судаснуудад жижиг бөмбөлөг оруулж, цус чөлөөтэй урсгах боломжийг олгодог. Ихэнх стентүүд металлаар хийгдсэн байдаг ч шинэ инновацийн загвар нь уусдаг оёдолтой ижил материалаар хийгдсэн. Саяхан Английн Ньюкасл хотын эмч нар анх удаа захын артерийн өвчтэй хүний хөлний артерийг тэлэхийн тулд бөмбөлөг оруулж, бөглөрсөн судсыг нээсэн бөгөөд стент нь биед хоёр жилийн дотор задарч, гурван жилийн дотор бүрэн алга болдог байна.
Энэ хооронд биеийн эсүүд стент болж ургадаг бөгөөд энэ нь стент байхгүй болсон ч артериуд нь байгалийн жамаар нээлттэй хэвээр байдаг гэсэн үг юм. Түүнээс гадна энэхүү стент суулгах мэс засал эрүүл мэндэд ямар ч аюулгүйгээс гадна өвчтөн энэ жижиг мэс заслын дараа хөл дээрээ хурдан гишгэж болох бөгөөд, дараагийн мэс засалд саад болохгүйгээс гадна хурдан эдгэрдэг гэдгээрээ давуу талтай.
Энэ хэлбэрийн жижиг мэс заслыг цавины жижиг судсаар оруулж хийдэг бөгөөд артерийн бөглөрөлийг арилгаж, ахин үүсэхээс урьдчилан сэргийлэх зорилгоортой. Энэхүү стентийг суулгаснаар нэмэлт мэс засал хийх хэрэгцээ, хөл тайрах зэрэг урт хугацааны хүндрэлийн эрсдлийг бууруулдаг гэж найдаж байна.
АНУ-ын эрүүл мэндийн аварга компани Абботтын боловсруулсан стентийн процедурыг одоо Их Британийн бусад эмнэлгүүд, түүний дотор Лондон дахь Гэгээн Томасын эмнэлэг, Лестер дэх Гленфилд эмнэлэгт нэвтрүүлэх юм байна.
