“Дэлхийн мөнгөний долоо хоног-2025” аяны хаалтын үйл ажиллагаа 4 дүгээр сарын 14-ний өдөр Өмнөговь аймгийн Даланзадгад хотноо амжилттай зохион байгуулагдлаа. Энэхүү арга хэмжээнд УИХ-ын гишүүн, Эдийн засгийн байнгын хорооны дарга Р.Сэддорж, Өмнөговь аймгийн Засаг дарга Н.Энхбат, Монголбанкны Тамгын газрын захирал Г.Пүрэвсүрэн, Хадгаламжийн даатгалын корпораци, арилжааны банкнууд болон орон нутгийн санхүүгийн байгууллагуудын төлөөлөл оролцсон юм.
Арга хэмжээний үеэр УИХ-ын даргын зөвлөх Н.Булгантамир санхүүгийн боловсролын ач холбогдол, хувь хүний хөгжлийн талаар сонирхолтой илтгэл танилцууллаа. Мөн оролцогч, сурагчдын дунд санхүүгийн мэдлэгээ сорих зорилготой асуулт-хариултын хөгжөөнт тэмцээн зохион байгуулж, шалгарсан ялагчдад хадгаламжийн эрхийн бичиг, гарын бэлэг гардуулан урамшууллаа.
Энэ үеэр “Дэлхийн мөнгөний долоо хоног-2025” аяны хүрээнд Өмнөговь аймагт зохион байгуулагдсан уралдаан, тэмцээнүүдэд амжилт гаргасан шилдэг оролцогчдод шагнал гардуулж, үе тэнгийн сургагч багшаар бэлтгэгдэж, сургалтад хамрагдсан сурагчдад сертификат гардууллаа.
