Жил бүрийн долдугаар сарын арван нэгнээс арван гуравны өдрүүдэд бид улс даяараа “Үндэсний их баяр наадам”-ыг ёслол төгөлдөр тэмдэглэн өнгөрүүлдэг уламжлалтай билээ. Үндэсний их баяр наадам бол зөвхөн уламжлалт спортын төрлүүдээр өөр хоорондоо уралдаан тэмцээн зохиох төдийгүй орчин цагт нүүдэлчин соёл иргэншлийн өв соёлоо залуу үедээ уламжлуулах, тусгаар тогтнолоо баталгаажуулах гээд бидний үүх түүхээрээ бахдах учиртай өдрүүд билээ.
Энэ өдөр /2025.04.17/ баяр наадмыг зохион байгуулах хорооны ээлжит хуралдаан болж байна. Уг хуралдаанаар Үндэсний их баяр наадмын хүндэтгэлийн концертын найруулагч сонгон шалгаруулах асуудлыг танилцуулах, нээлт, хаалтын арга хэмжээний бэлтгэл ажил, явцын мэдээллийг сонсох юм. Мөн Тулгар төрийн 2234, Их Монгол Улсын 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ой,Үндэсний их баяр наадмын зохион байгуулах төсвийн зардал, зохион байгуулах хорооны салбар хороодын бүрэлдэхүүн батлах тухай асуудлыг тус тус хэлэлцэж байна.
