Мэдээллийн технологийн үндэсний парк болон “Өргөө-2” кино театр орчмын талбайн чөлөөлөлтийн асуудалтай холбоотой шүүх хурал өчигдөр Баянзүрх, Сүхбаатар, Чингэлтэй дүүргийн Иргэний хэргийн анхан шатны тойргийн шүүхэд болж өнгөрлөө.
Иргэний хэргийн анхан шатны шүүхийн шийдвэр өчигдөр орой 22:35 цагт гарч, Мэдээллийн технологийн үндэсний парк өөрийн байрыг буцаан авах нь зүйтэй гэж шүүх шийдвэрлэлээ. “Өргөө 2” кино театрыг албадан чөлөөлөх шийдвэр гарлаа.
Шүүхийн шийдвэр бичгээр 14 хоногийн дараа албажин гарах бөгөөд бичгээр гарсны дараа давж заалдах шатны шүүхэд хариуцагч тал гомдол гаргах эсэхээс шалтгаалж маргаан цааш үргэлжлэх эсэх нь тодорхой болох юм.
