Бөхийн сонгомол, чөлөөт барилдааны энэ оны Ази тивийн аварга шалгаруулах тэмцээн Йорданы нийслэл Амман хотноо болж өндөрлөлөө. Ази тивийн шилдгүүд чуулсан уг тэмцээнд манай улс 23 тамирчны бүрэлдэхүүнтэй оролцож, 10 медаль авсан амжилттайгээр тэмцээнээ өндөрлүүлэв.
Эмэгтэй чөлөөт бөхийн төрөлд нэг мөнгө, гурван хүрэл хүртэж багийн дүнгээр дөрөвдүгээрт орсон бол эрэгтэй чөлөөт бөхийн баг тамирчид хоёр мөнгө, гурван хүрэл медаль хүртэж мөн дөрөвдүгээр байрт орлоо.
МУГТ М.Лхагвагэрэл Ираны залуу од Амирреза Масумитай барилдаж, мөнгөн медаль хүртсэнээр Тивийн АШТ-ээ дуусгасан юм. Дэлхийн бөхийн төрлүүдийн нэгдсэн холбоо хүч түрэн гарч ирж буй нэгэн үеийн Ираны залуусыг онцолсон юм. Ираны эрэгтэй тамирчид чөлөөт бөхийн төрөлд дөрвөн алтан медаль хүртсэн юм.
