2013 оноос хойш НҮБ-ын Ерөнхий Ассамблейгаас жил бүрийн гуравдугаар сарын 20-ны энэ өдрийг “Дэлхийн аз жаргалын өдөр” болгохыг уриалж, тэмдэглэсээр ирсэн.
Үндэстнээрээ аз жаргалын коэффициент нь хамгийн өндөр Бутаны Хаант улсын иргэд анх ийм өдөртэй болох санаачилгыг гаргажээ. Энэ өдөр улс орнууд зохих хэмжээнд боловсрол ба гэгээрүүлэх хөтөлбөрийг ашиглан тэмдэглэж байх зөвлөмж өгсөн байдаг. Ард иргэдийн аз жаргалтай эсэхийг судалдаг олон үзүүлэлт, хүчин зүйл байдгаас хамгийн түгээмэл нь “аз жаргалын индекс”-ийн үзүүлэлт юм. Өнгөрсөн жилийн Аз жаргалын индексээр манай улс 143 орноос 77 дугаарт эрэмбэлэгдсэн.
Оршин суугчдын эрүүл мэнд, дундаж наслалтыг экологийн нөхцөлд харьцуулснаар тухайн улсын “аз жаргалын индекс” гардаг. Аз жаргалыг тодорхойлсон нэгдсэн тодорхойлолт байдаггүй. Харин сэтгэл ханамж, тайван байдал, эд баялаг, хувь хүний хувьд алдарших нь аз жаргалд хүрэх арга зам гэх байдлаар тайлбарлах гэсэн энгийн ойлголт түгээмэл элбэг.
Сонирхуулахад: Арабын Нэгдсэн Эмират улс, Венесуэл, Бутан улс Аз жаргалын яамтай бөгөөд Венесуэл улс гэхэд Аз жаргалын яамдаа улсын төсвийн 67 хувийг суулгаж ард иргэдийнхээ оюун санаа, сэтгэл ханамжийг чухалчилдаг ажээ.
