АНУ-ын Калифорни мужийн Сан Хосе хотод эхэлсэн жил бүр зохион байгуулагддаг хөгжүүлэгчдийн чуулганы үеэр Nvidia компанийн гүйцэтгэх захирал Женсен Хуан хүн дүрст роботууд үйлдвэрт ажиллаж эхлэх хугацааг “таван жил хүрэхгүй хугацааны дотор” гэж тооцоолж байгаагаа мэдэгджээ.
Ойролцоогоор $3 их наядын зах зээлийн үнэлгээтэй, хагас дамжуулагч үйлдвэрлэлийн Nvidia компани нь хиймэл оюуны ухаан технологийн хөгжлийг тэргүүлэгчдийн нэг юм. Чуулганы нээлтийн илтгэл дээр Хуан хүн дүрст (humanoid) роботыг хөгжүүлэх ажлыг хялбарчлахад зориулсан программ хангамжуудыг танилцуулжээ. Тэрээр сэтгүүлчидтэй уулзах үеэр тэр “хүн дүрст роботууд хаа сайгүй үзэгддэг болох цаг үе ирэхэд таван жилээс хэтрэхгүй хугацаа үлдсэн. Энэ бол цөөн хэдхэн жилийн дараах асуудал” гэж хэлсэн байна.
Мөн тэрээр хэлэхдээ: Үйлдвэрлэлийн салбар эхлээд хүн дүрст роботуудыг ашиглах болно, учир нь энэ салбар нь өндөр хяналт шаарддаг тул роботууд гүйцэтгэж чадах нарийн даалгаврууд тэнд байна. Хүн дүрст робот түрээслэх үнэ нь 100,000 доллар байж магадгүй бөгөөд энэ нь эдийн засаг, мөнгөний хувьд ашигтай зүйл гэж би бодож байна.” гэсэн байна.
