Сар шинийн баяр ойртсон энэ өдрүүдэд иргэдийн дунд “1072 хувьцааны ногдол ашгийг хэзээ олгох бол” гэсэн хүлээлт үүсээд буй. Үүнтэй холбоотойгоор өнөөдрийн Засгийн газрын хуралдаанаар тус асуудлыг хэлэлцжээ. Улмаар цагаан сарын өмнө 100 мянган төгрөг олгох шийдвэр гаргасан талаар “Эрдэнэс Тавантолгой” ХК-ийн гүйцэтгэх захирлын үүрэг гүйцэтгэгч Х.Мөнхжаргал мэдээлсэн байна.
Тэрээр “Эрдэнэс Таван толгой” компанийн ТУЗ одоо хуралдах гэж байна. Сая Засгийн газрын хуралдаан дээр ногдол ашиг олгох танилцуулга хийсэн. Одоо ТУЗ хуралдаад, үлдсэн хэсгийн хоёр хуваах шийдвэр гаргах байх. Цагаан сараас өмнө 100 мянган төгрөг, дөрөвдүгээр сард 100 гаруй мянган төгрөг олгоно. Иргэдэд ногдол ашиг олгох нөөц бололцоо бүрэн бий. Ногдол ашиг хуваах чиглэлийг Засгийн газраас өгсөн. Эцсийн шийдвэрийг ТУЗ хуралдаж шийдвэрлэнэ. 2024 оны цэвэр ашгийн 84 орчим хувь нь ногдол ашиг болж тараагдана хэмээв.
