Монгол Улсын гавьяат тамирчин М.Анхцэцэг хүндийн өргөлтийн дэлхийн аваргаас 5 дахь медалиа хүртэж, түүхэнд бичигдих амжилтынхаа араас зодог тайлж буйгаа зарлалаа. Тэрбээр цаашид гэр бүлдээ анхаарал хандуулахаар болсон гэжээ. Түүнчлэн зодог тайлахад эрүүл мэндийн шалтгаан мөн нөлөөлсөн байна.
Хүндийн өргөлтийн ДАШТ 2024 оны арванхоёрдугаар сарын 5-наас 16-ны өдрүүдэд Колумбын Богата хотод болж өнгөрсөн. Энэхүү тэмцээнд Монгол Улсаа төлөөлөн гавьяат дасгалжуулагч Ц.Хосбаярын удирдлага дор шигшээ багийн дөрвөн тамирчин өрсөлдсөн юм. Тус тэмцээнд эмэгтэйчүүдийн 87 кг-ын жинд гавьяат тамирчин М.Анхцэцэг түлхэлттэй өргөлтийн төрөлд 143 кг-ыг өргөснөөр мөнгөн медаль хүртсэн билээ.
М.Анхцэцэг өмнө нь 2021 онд алт, 2017, 2019 онуудад хүрэл медаль хүртэж байв.
