Дорноговь аймгийн Иххэт сумын Соёл, спортын төвөөс номын баярын хөтөлбөрийн хүрээнд гудамжны номын санг сумын төвийн гурван газар байршуулжээ.
Гудамжинд буй энэ номын сан хүүхэд, залуус болон ямар ч насны хүмүүс уншихад тохиромжтой нийт 50 гаруй номтой аж. Камерын хяналттай орчинд байршуулсан тус номын сангаас хэн, хэзээ, ямар ном аваад явсан нь дүрс бичлэгт тодорхой үлдэх юм. Энэ нь иргэдийн хувьд номын сангаар соёлтой үйлчлүүлэх мөн сонирхсон номоо авч уншаад бүрэн бүтэн буцаан аваачиж цэвэрхэн соёлтой үйлчлүүлэх болно.
Мөн номын сангаар үйлчүүлсэн иргэдийн идэвх оролцоог харгалзан жилийн эцэст шилдэг уншигчийг шалгаруулж урамшуулах юм. Иххэт сумын Соёл, спортын төвийн дэргэдэх номын сан нь 3800 гаруй номтой. Өдөрт 20 хүүхдэд тогтмол үйлчилгээ үзүүлдэг байна.
