О.Машбат нь 1981 онд Дорноговь аймагт төрсөн. 1998 онд Дорноговь аймгийн ерөнхий боловсролын сургуулийг дүүргэж, 2002 онд Их засаг их сургуулийг эрх зүйч мэргэжлээр төгсөж, 2005 онд хууль зүйн магистрын зэрэг хамгаалжээ. 2005 онд Санхүү, эдийн засгийн дээд сургуулийг бизнесийн удирдлагаар, 2007 онд АНУ-ын Колорадогийн их сургуульд суралцаж эрүүгийн эрх зүйд суурилсан шинжлэх ухааны удирдлагын магистрын зэрэг хамгаалсан.
Ажилласан туршлага:
- 2003-2005 онд УИХ-ын Тамгын газарт туслах ажилтан
- 2008-2009 онд Хууль зүй, дотоод хэргийн яамны Хууль зүйн бодлогын газрын мэргэжилтэн
- 2009-2013 онд Нийслэлийн Засаг даргын Тамгын газрын Хууль зүйн хэлтсийн дарга
- 2015-2017 онд Улсын Ерөнхий прокурорын газарт хяналтын прокурор
- 2017-2019 онд Нийслэлийн Прокурорын газарт хэлтсийн дарга, ахлах прокурор
- 2019-2020 онд Улсын Ерөнхий прокурорын газрын Тамгын хэлтсийн дарга, ахлах прокурор
- 2020-2024 онд Засгийн газрын Хэрэг эрхлэх газрын Шадар сайдын зөвлөх, Ерөнхийлөгчийн Тамгын газарт Хуулийн бодлогын газрын даргаар тус тус ажиллаж байжээ.
- 2024 оны нэгдүгээр сараас Улсын Ерөнхий прокурорын газрын Хэрэг эрхлэх газрын дэд дарга, ахлах прокуророор ажиллаж байна. Хуульч мэргэжлээр 20 жил ажиллажээ.
