СЕХ-ны нарийн бичгийн дарга Д.Даваа-Очир “Өнөөдрийн байдлаар 23 нам, хоёр эвслийг СЕХ бүртгээд байна. Аймаг, нийслэл болон 330 суманд сонгуулийн хороо байгуулсан. Одоо 2,691 хэсэг байгуулахаар бэлтгэл ажил хангаад явж байна. Тавдугаар сарын 14 гэхэд бүх хэсэг байгуулагдана.
СЕХ-ноос өчигдөр сонгуулийн саналын хуудасны загварыг баталсан байна. Ирэх долоо хоногоос нэр дэвшигчид тодорхой болно. Өчигдрийн байдлаар 77 бие даагч тодорхой болжээ. Нэр дэвшигчид тавдугаар сарын 14-21-ний хооронд тодорсноор сонгуулийн бэлтгэл ажлын гол ажлууд бэлэн болно” гэв.
