Хаврын улиралд цаг агаар дулаарч агаарын температур нэмэгдэхийн хэрээр гол мөрөн, нуур, гуу, жалга, суваг, шуудуунд хунгарласан цас хайлж, хөрсний ус булаг гарч, халиа дошин үүсч, шар усны үерийн эрсдэлийг бий болгодог.
Түүнчлэн шар усны үерийн ус нь ойр орчмынхоо бохирыг тээвэрлэн урсдаг тул түүгээр олон төрлийн халдварт өвчин үүсгэгч нян зөөгдөх, айл өрх, гудамж, зам талбай усанд автах, эд хөрөнгө, амь насаар хохирох зэрэг болзошгүй эрсдэлийг дагуулдаг.
Иймд үер усны аман дээр болон усны сан бүхий газрын хамгаалалтын бүс, намгархаг, устай газар буусан айл өрх, аж ахуйн нэгж, байгууллагууд ойр орчмын цасаа зайлуулах суваг, шуудуу татах, голын голдирлыг өөрчлөхгүй байх, бага насны хүүхдийг хараа хяналтгүй орхихгүй байх, гол мөрний мөсөн дээр тоглуулахгүй байх, зөвшөөрөгдсөн зам гүүрнээс өөр гарц гармаар зорчихгүй байхыг анхааруулж байна.
