Монголын өсвөр охидын “Star girls” дэлхийн аварга боллоо. Португалийн Брага хотод болсон Латин Хореографик ДАШТ-д Монголын “Стар” бүжгийн студийн дэргэдэх “Star girls” хамтлаг эх орноосоо мордсон талаар бид мэдээлж байсан билээ. Тэгвэл 12-14 настай охидоос бүрдсэн тус хамтлагийнхан хагас финалд шалгарахын тулд хамгийн олон буюу 9 багтай ширүүн өрсөлдөж, финалын шатанд хоёроор шалгарчээ.
Мөн “Royal Dance” хамтлаг Залуучууд болон Насанд хүрэгчид ангилалд тэргүүлж, дэлхийн аваргын хос медаль, цомыг гардан авчээ.
Ийнхүү монголчууд өсвөр наснаас эхлээд залуучууд, насанд хүрэгчдийн ангилалд бүгдэд аваргалж, энэ тэмцээн бүхэлдээ монголчуудынх боллоо.
