Монгол болон Япон улсын нийгмийн асуудлыг шийдэх төслийг шалгаруулж хэрэгжүүлэхэд нь дэмжлэг үзүүлэх зорилготой “Mongolia Open Innovation and Co-creation for SDGs 2024” буюу “MICS 2024” хөтөлбөрийн эцсийн тайлангийн үйл ажиллагаа 2025 оны 02 сарын 07-ны өдөр буюу маргааш 13.00 цагт (Баасан) Галлерей Улаанбаатар төвийн 3 давхарт байрлах Juulchin Ballroom-д зохион байгуулахаар болжээ.
Хөтөлбөр нь хоёр орны төр, хувийн хэвшил, боловсрол, санхүүгийн байгууллага зэрэг олон талт оролцогчид технологи, санаачилга, хөрөнгөө нэгтгэн инновацлаг шийдлийг хамтран бүтээж, хамтран хэрэгжүүлэхийг дэмжих аж. Хоёр жилийн өмнөөс эхэлсэн уг хөтөлбөр энэ жил 2 дахь удаагаа хэрэгжиж буй.
Энэ удаагийн үйл ажиллагааны үеэр шилдэг 10 хамтарсан төслийн санаачлагчид өөрсдийн эцсийн тайлангаа танилцуулах бөгөөд ивээн тэтгэгч байгууллагуудын зүгээс өөрсдийн дэмжлэг үзүүлэх төслүүдийг шалгаруулах аж.
Мөн түүнчлэн энэ өдөр MICS үйл ажиллагааны дараа Монгол Японы Хүний Нөөцийн Хөгжлийн төвд 2017 оноос хойш ажилласан мэргэжилтэн Накамура Ко Япон Монголын хамтын ажиллагааны талаар дурсгалын илтгэл тавих бөгөөд дэмжлэг авч байсан олон тооны монгол компани оролцох төлөвтэй байгаа аж. Тиймээс танхимд хамтарсан 10 төслөөс гадна өнөөдрийг хүртэл дэмжлэг авсан монгол компаниудтай ч харилцаа холбоо тогтоох боломж бүрдэх юм.
Японд сургууль төгсөгчдийн Жугамо нийгэмлэг: mics.jica.2024@gmail.com
Бүртгүүлэх линк: https://forms.gle/HRP12swkDzQ3FZ7N9
